Зетот на Трамп, Џеред Кушнер, објави четири фотографии од проектите што ќе ги реализира во Србија и Албанија, откако најави дека ќе инвестира во недвижен имот на Балканот.
Според досегашните информации, зетот на поранешниот американски претседател Доналд Трамп сака да инвестира во два проекта.
Едниот се однесува на развој на остров во близина на брегот на Албанија, додека другиот проект се однесува на луксузен хотел во Србија, кој ќе се состои од 15.000 станбени единици.
„Задоволство ми е да ги споделам концептите за развој на проекти што ги создадовме за албанското крајбрежје и центарот на Белград“, напиша Кушнер на социјалната мрежа X.
Деталите за проектот се објавени во напис во The New York Times, а ги откри и српскиот претставник Александар Јовановиќ, кој рече дека министер во Владата на Србија е задолжен за потпишување меморандум за разбирање со две компании поврзани Доналд Трамп.