Ставате добар детергент и омекнувач, а пак ви се чини дека тазе испраните алишта не мирисаат добро, а и машината некако чудно мириса.
Причината за тоа можеби е насобраната мувла во барабанот што не можеме да ја видиме, а тоа лесно можете да го решите со користење средство за плакнење на устата.
Машината за перење ја користиме речиси секој ден, но бидејќи нејзината задача е чистење, често забораваме дека понекогаш и нејзе ѝ треба добро чистење.
Мувлата се насобира, но лесно е да ја игнорираме ако едвај ја гледаме.
Еден трик е да користите средство за плакнење на устата.
Веб-страницата She Finds наведува дека само половина шолја средство во циклусот на плакнење може да ја отстрани мувлата и исто така да направи вашата машина за перење да мириса неверојатно.
Една истаграмџика тврди дека токму ова е трикот со кој облеката секогаш ќе мириса совршено.
„Пробав неколку освежувачи, чистачи, освежувачи на воздух, но сепак го чувствував тој мирис, не беше свежо“, вели таа во видеото и додава дека откако го пробала овој трик, и машината и облеката мирисале свежо.
