Жените го сакаат сексот подеднакво како и мажите и многу жени ги изневеруваат партнерите. Ова го вели антропологот и авторка на книгата „Untrue“, Венсдеј Мартин, која за потребите на книгата интервјуираше десетина научници кои истражувале за сексот.
„Новото истражување ги исправува претходно погрешните претпоставки дека жените имаат пониско либидо, дека ним им е природно да бидат моногамни и дека им е полесно да бидат само со еден партнер до крајот на животот. Жените го сакаат сексот исто како мажите и многу лесно им здосадува ако постојано сè е исто во креветот“, вели Мартин.
Зошто жените изневеруваат?
Мит е тврдењето дека жените изневеруваат од емоционални причини, а мажите поради „акција“. Како доказ го наведува истражувањето од Универзитетот во Мисури.
„Ова истражување ги разоткри митовите дека жените изневеруваат само кога се несреќни во бракот, дека за разлика од мажите, бараат емоционална поврзаност, а не сексуална“.
Споменатото истражување утврди дека жените намерно бараат партнер за секс, особено кога не се задоволни од нивниот сексуален живот, не доживуваат оргазам или немаат редовни односи. Тие жени велат дека едноставно го бараат тоа што дома го немаат, а дека на неверството гледаат како начин да останат во врската во која се среќни, но не се задоволни од сексуалниот живот.
Се разбира дека тоа не значи дека секоја жена која има голема сексуална желба го изневерува партнерот, начинот тоа да се спречи е разговор за сексуалните желби, тврди Мартин. Со тоа може да се избегне досадата во спалната соба која би можела да доведе во неверство.