Маалски потег во Лига Европа и тоа играјќи против Арсенал направи играч на Стандард.
Една долга топка од негов соиграч не беше баш прецизна, па Пол-Жозе М'Поку реши да не ја остави да оди во аут туку да ја зграпчи со раце и да му ја предаде на противникот.
Буквално како во маало! Вака сме играле сите, да не се трча по топката во аут ајде ќе ја фатиме со раце иако е на терен. И не изведувавме игра со рака туку аут, бидејќи нели топката одеше во аут ама ќе ја спасевме за да се поштедиме од додатно трчање и губење време.
Изгледа Конгоанецот заборави дека не игра низ улиците на Киншаса и дека во Европа има деца кои стојат крај аут линијата и ги враќаат топките. Инаку, типот дури и беше капитен на белгискиот тим синоќа.
Интересно е што главниот судија, Швеѓанецот Андреас Екбериј, не му покажа жолт картон и покрај тоа што досуди игра со рака која очигледно беше намерна. Веројатно ја разбра идејата на М'Поку па реши да го помилува. И во Шведска во маало се игра вака.
Некои од коментарите на Twitter одат дотаму велејќи дека посакал да направи тачдаун како во американскиот фудбал.
Инаку, натпреварот заврши 2:2, а неговиот Стнадрад испушти водство од 2:0 бидејќи Арсенал постигна два гола во последните петнаесетина минути.
