Портпаролот на рускиот претседател, Дмитриј Песков, изјави дека руските мировни сили почнале да се повлекуваат од Нагорно-Карабах.
Откако Азербејџан воспостави контрола врз овој дел од територијата, руските мировни сили, кои долго време беа на ова подрачје, почнаа да повлекуваат персонал и опрема од ова подрачје.
„Да, тоа е вистина“, рече Песков.
Руската мировна мисија беше стационирана во Нагорно-Карабах во согласност со изјавата и мировниот документ на претседателот на Азербејџан, премиерот на Ерменија и претседателот на Русија, кој беше потпишан на 10 ноември 2020 година.
Контингентот се состоеше од 1.960 воени лица кои поседуваа малокалибарско оружје. Исто така, руските мировни сили во оваа област имаа 90 оклопни транспортери и 380 автомобилски единици и специјална опрема.
Целосното повлекување на руските сили ќе биде завршено до 2025 година.