Во НБА ноќеска се одиграа пет натпревари, а уште еднаш одлични индивидуални партии пружија Никола Јокиќ и Лука Дончиќ кои играа против Ивица Зубац и Богдан Богдановиќ.
Јокиќ одигра маестрална партија, но ниту тоа не му помогна на Денвер Нагетс да дојде до триумф против Лос Анџелес Клиперс.
Српскиот центар ја доби битката под кошот против Хрватот Ивица Зубац, а мечот го заврши со трипл-дабл учинок од 36 поени, 17 скока и 10 асистенции.
Зубац, пак, забележа дабл-дабл со 14 поени и 15 скока и на тој начин му помогна на својот тим да слави со тесни 102:100. Кај победничкиот табор најдобар беше Пол Џорџ со 28 поени, пред Џејмс Харден со 20 и 8 аистенции.
Далас Маверикс ја победи Атланта Хокс со 109:95 благодарение на одличниот Лука Дончиќ.
Словенецот мечот го заврши со дабл-дабл од 25 поени, 12 скока и 8 асистенции, а кај Далас еден поен повеќе од него постигна Кајри Ирвинг, додека ПиЏеј Вошингтон уфрли 19 со 8 скока.
Богдан Богдановиќ беше најдобар кај Атланта со 17 поени и 7 скока, еден поен повеќе од Дежонтеј Мареј.
Резултати:
Далас Маверикс - Атланта Хокс 109:95
Мајами Хит - Филаделфија 76ерс 105:109
Њујорк Никс - Сакраменто Кингс 120:109
Хјустон Рокитс - Голден Стејт Вориорс 110:133
Лос Анџелес Клиперс - Денвер Нагетс 102:100
Табела:
