Петмина од досегашните членови на ДИК поднеле барања за апанажа. Уште една година тие ќе земаат државна плата од приближно илјада евра.
Меѓу нив се досегашниот претседател на Комисијата, Александар Чичаковски, Виолета Дума и Игор Милев кои беа членови од СДСМ, Субхи Јакупи од ДУИ, како и Силвана Бонева од ВМРО-ДПМНЕ.
Апанажа не побарале Сашо Срцев од ВМРО-ДПМНЕ и Реџеп Прекопуца и Атанас Урумов, како независни експерти-членови.
Aлександар Чичаковски, поранешниот претседател на ДИК, ниту демантира, ниту потврдува дека поднел барање за апанажа.
„Не сум вршител на јавна функција, зошто ме малтретирате? Проверете си во Собранието“, рече Чичаковски.
Пратеничката Силвана Бонева одговори дека е зафатена. Кога на телефон ја побаравме Виолета Дума, се јави фризерката. Таа рече дека Дума го заборавила телефонот кај неа. Субхи Јакупи не беше достапен за коментар. Државната изборна комисија сега брои само еден член од БЕСА.
