„Spare“, автобиографијата на Хари стана најпродавана публицистичка книга во историјата, тврди Лари Финли, директорт на издавачката куќа Transworld Penguin Random House.
Во првиот ден од излегување, продадени се 400.000 примероци од книгата, како и во аудио и онлајн формат.
„Знаевме дека книгата ќе биде популарна, но ова ги надмина сите наши очекувања. Колку што ни е познато, единствените книги кои повеќе се продале од првиот ден се оние за Хари Потер“, вели Финли.
За автобиографската книга на Хари се чекаше во редици пред книжарниците во Англија, бидејќи многумина сакаат да прочитаат за валканите тајни на кралското семејство во Велика Британија.
Во книгата Хари пишува за носењето нацистичка униформа, тепачките со брат му Вилијам, за губењето на невиноста и други приватни работи.
