Моделот 2CV на Citroën уште еднаш импресионираше со својата практичност благодарение на еден сопственик од Швајцарија.
Иако се смета за легенда во автомобилскиот свет, Citroën 2CV понекогаш е мета на потсмев поради изгледот, застарената конструкција и „архаичните“ перформанси на патиштата, но сепак е автомобил кој е продаден во повеќе од 5 милиони примероци, што им помогна на Французите да се „вратат на тркала“ по Втората светска војна, а Citroën да се најде на мапата на сериозните производители на автомобили.
Има и такви што многу го сакаат 2CV и прават сѐ за да ја зачуваат историјата на овој легендарен француски автомобил, а некои го користат на начин што претходно беше незамислив. Меѓу нив е и Бернд, харизматичен сопственик на модел 2CV од Швајцарија, кој го поседува и вози овој автомобил „претворен“ во кампер. Иако сè изгледа едноставно, сепак е практично.
Како што може да се види на клипот, автомобилот долг 3,86 метри сепак нуди простор за поголем кревет, но дополнителен дел е прикачен на задниот крај за да се направи простор за нозете. Истата метална кутија служи и како камп кујна опремена со двоен горилник и основни потреби.
Приватноста ја обезбедуваат завесите, додека „најголемиот“ багажен простор е под задното седиште, но за многу малку работи.
Нема детали за моторот, но сопственикот рече дека се работи за модел 2CV Special кој е произведен во 80-тите години на минатиот век. Тој модел го придвижуваше мотор со воздушно ладење од 602 кубика кој произведуваше 29 КС, а целата сила се испраќаше на предните тркала преку 4-степен мануелен менувач.
Citroën 2CV отсекогаш бил економичен автомобил и го претставувал францускиот еквивалент на Буба на Volkswagen. Сепак, во изминатите години неговите цени се зголемија и се движат од 5.000, па до 40.000 долари за специјални модели.
