Минатата сезона Јувентус, поради казната за финансиска измама, ја заврши само на седмото место во Серија А и се избори за место во Европа конференциската лига.
Во последните недели УЕФА размислуваше да го казни Јувентус поради претходно прекршување на финансискиот фер-плеј, а самиот клуб од Торино предложи казната да биде исфрлање од Конференциската лига, натпреварување кое италијанскиот гигант не сака да го игра оваа сезона.
Corriere dello Sport објави дека во Куќата на фудбалот во Нион го прифатиле предлогот на „Старата дама“.
Челниците на Јувентус успеаја да избегнат понатамошни и построги казни. Медиумите претходно шпекулираа дека Јувентус може да добие забрана за настап во европските купови во наредните две сезони.
На местото на Јувентс во Конференциската лига ќе игра Фиорентина, која во Серија А заврши на 8. место.
Клубот од Фиренца беше поразен од Вест Хем во финалето на последното издание токму на Конференциската лига.
