Постојат одредени сигнали кои откриваат дека си имате работа со заводник кој никогаш нема да се смири со една жена.
Веќе некое време сте заедно и мислите дека такви како него постојат само во филмовите? Па, можеби сте во право, бидејќи постојат повеќе знаци кои откриваат дека си имате работа со женкар.
Овие три знаци се најважни:
1. Се однесува „совршено“
Женкарите имаат доволно искуства со жените и точно знаат што да направат во секој момент. Кога се сами се гордеат со своите способности за глума, а вас ве сметаат за уште една наивка која успеале да ја „смотаат“.
2. Претерува со романтичните гестови
Негова цел е да го споредувате со ликови од филмовите, па затоа постојано ве опкружува со букети цвеќиња, романтични вечери, подароци и слично. Но, кога еднаш ќе сфати дека ја постигнал целта, а тоа е да се вљубиле во него, ќе му станете неинтересна и монотона, па ќе почне да бара нешто друго од страна.
3. Пријателките ви укажуваат дека е женкар
Вашите пријателки веројатно го прочитале пред вас и се обидуваат да ве предупредат. Ако покрај тоа ви истакнат дека го виделе како флертува со друга девојка, време е да се тргнете од него и подобро да размислите каква иднина ве чека со него.
