Должината на менстуалниот циклус изнесува 3 до 5 дена, но не е страшно ако се одложи уште некој ден плус. Но, на што треба да обрнете внимание доколку вашите менструации стануваат сè подолги и поболни од месец до месец?
Ви „лудуваат“ хормоните
Има неколку пореметувања во телото кои влијаат на хормоните во женското тело и предизвикуваат долги, болни и нередовни менструации.
Доколку забележите дека циклусот ви е пореметен, најдобро е да го посетите вашиот лекар за да проверите да не станува збор за полицистични јајници, хормонален дисбаланс или проблеми со штитната жлезда.
Користите антибиотици или некакви таблети
Таблетите за штитната жлезда, стероидите или антибиотиците го пореметуваат нивото на хормони во телото. Доколку некој од овие таблети влијае лошо на вашиот менструален циклус, разговарајте со вашиот гинеколог.
Промена на телесната тежина
Доколку сте забележиле дека менструалниот циклус ви трае подолго од порано и добивате вишок килограми, тоа е знак дека најверојатно во вашето тело се лачи поголема количина на естроген што може да биде причина за долги и болни менструации.
Стрес
Стресот влијае на менструалниот циклус на различни начини. Доколку поминувате низ стресен период, побарајте помош од пријател или стручно лице. Од стресот зависи дали ќе добиете менструација или ќе ви се одложи.
Вишок на естроген
Естрогенот може да се најде во пластика, во пестициди и некои намирници кои ги јадете, како што е месо кое е полно со хормони. Затоа, јадете храна богата со влакна која ќе спречи прекумерно апсорбирање на овој хормон во телото.
