Најдобрата и веројатно најубавата лизгачка на денешницата, Јута Лердам, соопшти дека нејзината сезона е завршена по натпреварувањето во Солт Лејк Сити, каде актуелната светска шампионка на 1.000 метри заврши само на 11. место.
„Ова е мојата последна трка сезонава, повеќе не уживам во ова. Зглобот, едноставно пропаѓам... Не можам да застанам, одам на прсти или седам. Воопшто не е во добра форма. Не можам ни да ја користам сопствената сила, се натпреварувам со 60 проценти“, го објасни проблемот 25-годишната холандска спортистка.
Иако веќе некое време има проблеми со зглобот, оваа информација досега ја чуваше за себе.
„Ако зборувам за тоа, тогаш тоа станува и ментална работа. Затоа претпочитам да не зборувам премногу, на сè гледам како на физичка повреда“, рече таа.
Јута на тој начин ќе го пропушти претстојното Светско првенство во Калгари кое се одржува за три недели.
Да потсетиме, Јута има освоено голем број златни медали на Европските и Светските првенства, а се надева и на олимписко злато во Милано во 2026 година.
Инаку, таа е во врска со популарниот инфлуенсер и боксер Џејк Пол кој неколку пати е виден како ја поддржува на натпревари.