На италијанскиот фудбалер Сандро Тонали му е намалена казната поради кршење на правилата за обложување на натпревари, потврди Фабрицио Романо.
Тонали се обложил 40 или 50 пати, вклучително и четири пати на Њукасл, при што се обложил на натпревари каде што самиот играл.
Првично требаше да се врати на терените во октомври, но сега казната му е намалена за два месеци и може да се врати на теренот на 27 август 2024 година.
„Доколку повторно не ги прекрши правилата за обложување на ФА за време на периодот на неговата суспензија, Сандро ќе се врати на фудбалот во август 2024 година“, потврди Њукасл.
Тонали сега продолжува да го следи терапевтскиот план и едукативната програма со целосна поддршка од клубот и ќе продолжи да тренира со соиграчите, пренесуваат од клубот.
