Јувентус бара нови играчи во одбраната, откако е извесно дека Бремер ќе се пресели во Манчестер Јунајтед. Но, веќе доби една корпа.
Еден од можните наследници на Бразилецот е фудбалерот на Болоња, 21-годишниот Рикардо Калафјори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот, чија вредност според Transfermarkt скокна од 5 милиони евра на 25 милиони евра, од октомври минатата година е под договор со Болоња до летото 2027.
Калафјори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.
