Никола Јокиќ, двократниот МВП на НБА, блеска на терените ширум Америка, но будно ги следи и случувањата во европската кошарка.
Српската суперѕвезда во неколку наврати истакна дека секогаш кога може ги следи натпреварите меѓу Партизан и Црвена звезда во Евролигата.
Чудото од Сомбор очигледно го знае квалитетот на останатите тимови во најсилното европско клупско натпреварување, па ја даде својата прогноза за тоа кои екипи според него ќе се пласираат во финалето.
„Мислам дека Реал и Барселона ќе бидат меѓу четирите најдобри екипи. Можеби Монако, и се надевам Олимпијакос затоа што таму игра мојот пријател Никола Милутинов“, изјави Јокиќ.
Реал Мадрид е убедлив лидер на табелата во Евролигата со скор 22-5, а следуваат Барселона, Панатинаикос, Монако, Виртус Болоња, Олимпиакос и Фенербахче кои се во тесна битка за место во четвртфиналето. Останатите малку заостануваат и се борат за плеј-оф.
Кога станува збор за клубовите од земјата на Јокиќ, Партизан со бори да дојде до место во разигрувањето во конкуренција на Басконија, Макаби, Валенсија и Баерн, додека Црвена звезда со скор 10-17 нема никакви шанси.