Шарл Леклер и Карлос Саинс, возачи на Ферари, на трката во Мајами ќе возат визуелно малку поинакви автомобили на италијанскиот производител.
Двајцата ќе седат во автомобилот во светлосини комбинезони, кои ќе имаат детали во иста нијанса.
Со ова ќе ѝ се оддаде почит на Скудерија, со оглед на тоа што ова беше оригиналната боја на тој тим пред да се префрли на препознатливата црвена боја.
Автомобилот ќе има две нијанси, Azzurro La Plata и Azzurro Dino. Првата е поврзана со Алберто Аскари, светски шампион во 1952 и 1953 година, а втората со униформите на неколку возачи, меѓу кои Клеј Рагацони и Ники Лауда.
Во 1974 година, двајцата заедно се искачија на подиумот на Големата награда на Холандија. Тие униформи многу ги сакал и Енцо Ферари.
Ова не е прв пат Ферари на ваков начин да оддава почит. Пред две години во Монца имаа Modena жолта на своите болиди, кога легендарната патека го прослави 100-тиот роденден.
