Гарет Бејл повторно е во центар на вниманието во Шпанија и тоа поради видео од тренинг со Реал Мадрид што ги вознемири навивачите на клубот.
На снимката се гледа како Велшанецот си го вежба замавнувањето за удар во голф додека ја стигнува топката на тренинг со фудбалскиот клуб од шпанската престолнина.
Можеби станува збор само за шега, со оглед на тоа дека Бејл и претходно бил критикуван дека повеќе игра голф отколку фудбал, но навивачите дефинитевно нема да се смеат следен пат кога ќе го видат на „Сантијаго Бернабеу“.
Бејл очигледно не е премногу загрижен – повреден е и најверојатно ќе го пропушти Ел Класико против Барселона што треба да се одржи по две недели.
Уште во мај кога се шпекулираше дека Реал ќе се збогува од Бејл, се рашири фамозната изјава на Велшанецот: „ Договорот ми трае уште три години и ако сакаат да се ослободат од мене ќе мора да ми исплатат 17 милиони евра по сезона. Ако не сакаат, ќе останам во клубот и ќе играм голф.“
Тогаш почна анимозитетот на навивачите на Реал кон Бејл што дополнително беше подгреан кога тој позираше со знаме на кое пишува: „Велс. Голф. Мадрид, По тој редослед“.
Бејл не крие дека е голем убител на голфот и овој спорт има голем удел во неговите планови за пензионирање.
„Имам намера да ги соберам сите мои пријатели и да направиме една голф тура околу светот, да играме на најпознатите терени за голф. Веќе направив пресметка колку би ме чинело, околу 35.000 фунти по човек“, рече во септември Велшанецот и додаде дека планира да ги покрие трошоците за оваа пензионерска авантура.
