Марк Закерберг го престигна Илон Маск, имплементирајќи ја Threads идејата што Маск отсекогаш сакал да ја додаде на платформата X.
Закерберг започна со тестирање на функцијата за хоризонтално лизгање (swiping) на неговата платформа Threads. Интересно, Маск твитна за оваа функција пред околу две недели, истакнувајќи дека сака да ја додаде во X веќе една година.
Threads, сервис чија цел е главно да го трола Илон Маск, сега ја тестира можноста за лизгање.
„Нова работа што ја тестираме: лизнете за лајк или кажете ни дека не сте заинтересирани за објавата. Ова е лесен начин да ни дадете до знаење што сакате да гледате повеќе во вашата активност“, рече Закерберг во својата објава.
Функцијата, која Threads ја тестира, би можела да им даде на корисниците поголема контрола врз алгоритмот. Instagram и Facebook, кои се дел од Meta на Закерберг, нудат многу мала контрола.
Илон Маск, од друга страна, има идеја да овозможи почист дизајн со опцијата за лизгање и сака хоризонталното лизгање да ги замени копчињата за лајк и одговор на дното на објавите.
Колку имплементацијата на хоризонталното лизгање ќе му помогне на Threads да го симнат X од престолот, останува да видиме. Последните информации што ги имаме велат дека Threads има 130 милиони активни корисници. Платформата Х има повеќе од половина милијарда.
