Саша Барон Коен и неговата сопруга Исла Фишер објавија дека се разведуваат по 13 години брак.
Актерската двојка ја сподели веста за нивниот развод во заедничко Story на Instagram.
„По долг тениски меч кој траеше повеќе од дваесет години, конечно ги спуштаме нашите рекети. Во 2023 година заеднички поднесовме барање за развод“, се вели во објавата.
„Отсекогаш сме имале приоритет на нашата приватност и работиме на оваа промена. Засекогаш ја споделуваме нашата посветеност и љубов кон нашите деца“, напиша Исла.
Фишер и Барон Коен се венчаа на 15 март 2010 година и имаат три деца.
Тие првпат се сретнаа во 2001 година на забава во Австралија, долго пред Коен да се прослави со филмот Borat од 2006 година.
„Таа беше урнебесна. Бевме на многу претенциозна забава и се поврзавме во шегувањето на сметка на другите луѓе на забавата“, се присети Барон Коен на нивната прва средба во интервју за The New York Times во 2020 година. „Веднаш знаев дека тоа е тоа“.
Парот се сврши во 2004 година, а три години подоцна го добија своето прво дете.
Потсетуваме, во својата нова книга, која беше објавена на 2 април, актерката Ребел Вилсон го обвини Барон Коен за непримерно однесување на сетот на филмот Grimsby од 2016 година, што предизвика голем скандал.
Вилсон тврдеше дека актерот „сексуално ја вознемирувал“ на филмскиот сет и дека „тој се пали кога прави на другите да им е неудобно“.
Актерот остро ги отфрли обвинувањата, но не се знае дали сето тоа доведе до крај на неговиот брак.
