Белоруската тенисерка Арина Сабаленка за прв пат проговори по смртта на Константин Колцов и откри дека ја прекинале врската пред трагичниот настан.
Колцов (42) се самоуби скокајќи од терасата на хотелот во кој престојуваше во Мајами.
Иако беше објавено дека тој пристигнал на Флорида за да ја бодри својата девојка Сабаленка, со која беше во врска од 2021 година, Белорусинката се огласи на стори на Instagram и откри дека имале раскинато.
„Смртта на Константин е незамислива трагедија, и покрај тоа што веќе не бевме заедно, срцето ми е скршено. Ве молиме почитувајте ја мојата приватност и приватноста на неговото семејство во овие тешки моменти“, рече Сабаленка.
Белоруската тенисерка денеска во второто коло на турнирот ќе се сретне со својата најдобра пријателка Паула Бадоси.