Двајца разбојници завчеравечер физички нападнале вработена во трафика во Велес, но откако не пронашле пари, заминале во непознат правец.
Како што соопшти полицијата, околу 22 часот и 35 минути, во трафиката „Леди Ди Трејд“ на ул.„Благој Ѓорев“ во Велес две непознати лица извршиле разбојништво над вработената Т.П. (51) од Велес.
Напаѓачите влегле во трафиката и ѝ се заканиле на вработената, при што едното лице со едната рака и ја затнал устата, а со другата рака неколку пати ја удрил во пределот на лицето и телото, додека другото лице ги пребарувало фиоките од пултот.
Откако виделе дека нема пари во фиоките, разбојниците излегле од трафиката и се упатиле во непознат правец.
Увид на лице место извршила увидна екипа на СВР-Велес. Се преземаат мерки за пронаоѓање на сторителите и целосно расчистување на случајот.
