Sony наводно ја развива конзолата PlayStation 5, модел кој треба да има помоќен графички процесор и да биде до три пати побрз од постоечките модели на PS5.
Јутјуберот Moore's Law is Dead тврди дека добил пристап до технички документ на конзолата PS5 Pro, која се развива под кодното име Trinity, а сега Том Хендерсон од Insider Gaming наведува дека се точни спецификациите што протекоа во јавноста и дека конзолата треба да се појави на пазарот на крајот на годинава.
Информациите велат дека PS5 Pro има 45% подобри перформанси за рендерирање во споредба со PS5. Изгледа дека Sony може да се префрли од графичката единица AMD Radeon RX 6700 на нешто како Radeon RX 7800 XT, давајќи му можност да понуди поимпресивни перформанси.
Хендерсон тврди дека Pro ќе го следи неодамнешниот редизајн на PS5 со поддршка за отстранлив диск, и наведува дека PS5 Pro ќе има системска меморија што работи со 576 GB/s, или 28% повеќе од PS5, како и подобар хардвер за звук кој може да обработи повеќе ефекти. Исто така, PS5 Pro треба да го има истиот процесор како и основниот PS5, но со MOD со висока фреквенција на процесорот што го зголемува тактот до 3,85 GHz. Тоа би претставувало зголемување од 10% во перформансите во однос на стандардниот модел. Сепак, активирањето на овој мод ќе го забави графичкиот процесор за околу 1,5%.
Се споменува и PlayStation Spectral Super Resolution (PSSR), што значи дека конзолата, наводно, ќе користи машинско учење за зголемување на резолуцијата на сликата, што би можело да вклучи зголемување на резолуцијата до 8K во идните верзии.
PS Pro треба да се појави на пазарот во ноември 2024 година, односно на време за празниците.