Нежна, грижлива, сензуална, интуитивна, интровертна, сочувствителна, емотивна, топла, романтична, лојална – сето ова ја краси жената Риба.
Мисијата на грижливата Риба е да им помага на другите. Таа интуитивно ги знае потребите на другите луѓе. Не допушта никому да ја искористува нејзината добрина и секогаш е подготвена да помогне. На прв поглед изгледа како мирна личност, но всушност е многу страстна и чувствителна личност.
Рибата, внимателно го набљудува сето она што се случува околу неа, но и она што се случува во луѓето и бара подлабока смисла. Не може да го замисли нејзиниот живот без спиритуалноста.
Таа е знак во зодијакот кој не може да живее без да сонува и фантазира, а често знае како да избега од реалноста и да креира сценарија во нејзината глава. Некои сметаат дека на овој начин бега од проблемите, други пак сметаат дека едноставно нашла креативен начин како да се носи со проблемите.
Љубов
Жената Риба понекогаш делува како резервирана личност, а тоа е нејзиниот таен рецепт за заведување. Рибите сакаат опуштени љубовни врски во кои нема потреба да се расправаат и да се грижат за неважни работи.
По природа е срамежлива, па бара доминантен партнер. Најголемата среќа ѝ е да го усреќува партнерот.
Нејзиниот идеален партнер е оној кој ја инспирира, штити и кога е непходно ја спушта на земја доколку премногу лета во облаците.
Пријателство
Таа е лојален пријател кој сака кога нејзините најблиски се среќни. Жената Риба е секогаш тука за нејзините пријатели и кога им треба поддршка и кога им треба рамо за плачење. Таа е најдобриот пријател кој може да го имате во животот. Секогаш ќе забележи кога сте тажни.
Имаат и периоди кога сакаат да се сами, па не лутете им се поради тоа.
Изглед
Она што прво ќе го забележите на жената Риба е нејзината прекрасна насмевка, нејзините очи и сензуалниот поглед. Има просечна висина и градба. Изгледаат мистериозно и необично, а често имаат необични или чудни стапала кои им се најранлива точка на телото. Препознатливи се по долгата и свиленкаста прекрасна коса.