Зад ова видео се крие сериозно научно истражување.
Научниците докажаа дека стаорците можат да научат да возат.
Ова не е шега – тим од Универзитетот Ричмонд предводен од д-р Кели Ламберт спроведе истражување и дојде до ова фантастично сознание.
Во рамките на истражувањето за однесувањето на стаорците било забележано дека имаат предиспозиции за управување со возило. Стаорците во лабораториски услови без проблем управувале со мали електрични автомобили и добивале награда за успешно завршените маневри.
Тестирањата се состоеле од следење на потезите на стаорците кои научиле која од трите бакарни жици да ја допрат за да свртат лево, десно или да возат напред.
Вкупно 17 стаорци учествувале во истражувањето, од кои 11 мажјаци и шест женки. Уште не е утврдено дали мажјаците или женките биле подобри возачи, но истражувањето покажа дека возењето ги релаксира стаорците и тие навистина уживаат во оваа активност.