Ракомет

„Комити“ порачуваат: Со вас сме и против ПСЖ и против Овче Поле

6. февруари 2020 - 16:15 | Ф.З.

Вардар синоќа загуби убедливо на гостувањето кај Кил, но доби силна порака за поддршка од своите навивачи.

„Комити“ беа вчера и во „Шпаркасе“ арената каде Вардар загуби со 11 разлика од Кил во ракометната Лига на шампиони. Претходно, овие верни навивачите ги пречекаа играчите од фудбалскиот тим на скопскиот аеродром кога се вратија од подготовките со Анталија.

Денеска на една од facebook страниците на „Комити“ излезе следнава порака:

„Ние сме биле тука и во „Расадник“ и во „Кале“ и во „Јане“. Ние ќе бидеме тука и да играте и со ПСЖ и да играте со Овче Поле. Нас не ни е битно секогаш да победите, сѐ додека знаеме дека срцето сте го оставиле на терен! А ние... ние секогаш ќе бидеме тука, твоја верна сенка! #ИакоИзгубитеНемаДаВеОставиме #ИмашВардарТи

Поставија и видео од по натпреварот во Кил: