Руската тениска икона Марија Шарапова вчера се збогува со тенисот на 32-годишна возраст. Шарапова веста за пензионирањето ја објави на Instagram, со објава во која вели дека тенисот ѝ го покажал светот, но дека е време за ново поглавје, за следната планина за искачување во нејзиниот живот.
Родена е во Русија, каде го мина раното детство. Со тенис почна да се занимава од 4 години. Поради нејзиниот талент семејството се пресели во САД и таа продолжи да тренира во Флорида. Нејзините спортски успеси ги покажа во јуниорските рангирања, стигна и до јуниорското финале на Австралија Опен и Вимблдон во 2002 година.
Но, во 2004 година во Вимблдон се вивна до врвот кога ја порази шампионката Серена Вилијамс, тоа беше денот кога ѕвездата беше родена. На 17 години таа стана најмладата трета жена која некогаш ја освоила титулата.
Нејзиниот успех продолжи и по Вимблдон. Почна да освојува Грен слен титули, вкупно 5 во нејзината кариера. Низ годините се здоби со повеќе повреди и имаше и доста порази.
Во 2014 година ја освои петтата титула. Во 2016 година беше позитивна на недозволена супстанца, мелдониум, суплемент што го користела 10 години за различни здравствени проблеми. Финтата беше што токму таа година тој беше додаден на листата на забранети супстанци од WADA.
Шарапова на прес-конференција ја објави веста и објасни дека никој од нејзиниот тим не забележал дека оваа супстанца се наоѓа на забранетата листа. Потоа беше 15 месеци под суспензија од спортот.
Повторно му се врати на тенисот во април 2017 година каде триумфираше во Кина. Успеа да се искачи меѓу првите 30 на листата, но континуираните повреди го зголемија отсуството од терените и таа не успеа да ја поврати старата форма.