Цената на влезниците за првиот натпревар од Стенли Куп финалето во Монтреал достигна неверојатни 12.281 канадски долари (9.965 американски долари), според ценовникот на најпопуларните сајтови за канадски билети.
Најпопуларната хокеј лига на светот влезе во финалната серија, а таму се пласираа актуелниот шампион Тампа Беј Лајтнинг, како и најтрофејниот клуб Монтреал Канејдиенс. Канаѓаните имаат дури 24 Стенли Купа, но не се радувале уште од 1993 година, па не е чудно што побарувачката за карти е огромна, а цените растат.
Во моментов, цената од 12.281 канадски долари е максималната цена на карта за еден од одделите во првиот ред на салата во Монтреал, понудена од платформата Ticketnetwork. Најевтините продадени карти се за третиот ринг и чинат 2.438 канадски долари (1.976 американски).
Според здравствените податоци на канадската провинција Квебек, каде се наоѓа градот Монтреал, на натпреварот во „Сентр Бел“ арената ќе може да присуствуваат само 3.500 гледачи, а капацитетот е 21.302. Управата на Монтреал Канејдиенс бара од властите да дозволат барем 10.500 гледачи да присуствуваат на големото финале.
Првите два натпревара од финалната серија од НХЛ, која се игра до четири победи, се играат во Тампа на Флорида. Популарните Лајтнинг го добија првиот натпревар со високи 5:1. Вториот натпревар во Тамта се игра вечерва после полноќ од 2 часот по македонско време, а пренос од финалето врши SportKlub.
Првата пресметка во Монтреал, за која се кршат копјата за карти, е закажана за 3 јули во 2 часот наутро по македонско време, односно 2 јули од 20 часот по локално време.
