Јапонските власти открија дека легендарниот шпански фудбалер Андрес Иниеста затаил 3,5 милиони данок за време на неговиот петгодишен престој во таа земја.
Поранешниот играч од средниот ред на Шпанија беше член на Висел Кобе од 2018 до 2023 година, а јапонската даночна управа откри дека тој не пријавил 860 милиони јени (5,2 милиони евра) приход, на кој мора да плати данок од 580 милиони јени (3,5 милиони евра).
Јапонските даночни власти побарале од Иниеста да ги плати парите, во спротивно ќе мора да одат на суд.
Иниеста освои три трофеи за време на неговите пет години во Висел Кобе, вклучувајќи ја и шампионската титула во Џеј1 лигата. Лани одигра вкупно 134 натпревари за најдобриот тим на јапонскиот шампионат со учинок од 26 гола и 25 асистенции.
Тој денеска како 39-годишен го носи дресот на Емирејтс, клуб кој е во зоната за испаѓање во фудбалскиот шампионат на Обединетите Арапски Емирати.
Заедно со Иниеста, голманот на Серезо Осака, Ким Џин-хјон, кој должи 700 милиони јени (4,2 милиони евра) и напаѓачот на Нагоја Грампус, Андерсон Патрик, кој должи 600 милиони јени (3,6 милиони евра), исто така се обиделе да ја измамат Јапонија.
