Тренерот на Баерн е импресиониран од работата и резултатите на Френк Лампард чиј што тим вечерва ќе го пречека неговиот Баерн.
Челси сезонава не се бори за титула во Премиер лигата, а во Лигата на шампионите сите му предвидуваат елиминација од Баерн. Но, Ханси Флик е претпазлив, младиот и полетен англиски тим е способен да направи доста проблеми.
„Морам да му упатам комплименти на Френк Лампард. Има млад состав кој е многу ладнокрвен на терен. Брзи се на контри веднаш гледајќи како да постигнат гол. Тие се тим кој може да ве стави под страшен притисок, особено кога играат дома“, вели Флик.
Еден од адутите на Германците е бразилскиот виртуоз Филипе Кутињо, кој игра топло-ладно.
„Секогаш сум изненаден кога гледам што Кутињо покажува на тренинг. Тој е фудбалски магионичар. Понекогаш самиот се става под голем притисок, секогаш сака да остави свој белег на натпреварот... Мислам многу на него и како играч и како личност“.
Баерн нема проблеми со постигнувањето голови бидејќи напред ја има полската машина Роберт Левандовски. Затоа, пак, одбраната често знае да прима голови.
„Ако не го рачунаме натпреварот со Лајпциг, ние дадовме гол на секој натпревар (во Бундеслигата). Во поглед на таа статистика сме импресивни. Очекувам и сега истото да продолжи. Нестрплив сум и да се појавам на овој стадион каде сум бил неколку пати, најскоро лани со Антрахт. Ќе биде посебен натпревар“, рече стратегот на Баерн.
„Левандовски е во животна форма, полн со самодоверба и пасија. Се надеваме дека ќе продолжи така и против Челси, тој е од огромна важност за нас“, заврши Флик.
