Огромна дупка се отвори вчера на популарна австралиска плажа, а причината најверојатно биле силни бранови или морската струја што допира до брегот, објави „Гардијан“.
Дупката од свлечиштето е широка од 200 до 300 метри и се шири до линија на шумата, соопштија денеска локалните служби.
За среќа, нема повредени, а ерозијата не стигнала до камповите, ни до чамците на островот Фрејзер.
Оваа дупка се отвори на само неколку стотини метри од дупката што се рашири во септември, 2015 година, кога кампери на плажата беа приморани да бегаат додека земјата ја голташе нивната опрема.
