Напаѓачот на Реал го понижи својот француски колега велејќи дека тој е како картинг кој не може да се споредува со него кој е формула.
Карим Бензема е исфрлен од француската репрезентација од 2015 година, па не беше дел ни од освојувањето на Мундијалот во Русија. За разлика од него, Оливје Жиру е стандарден репрезентативец и нормално, светски шампион.
Во меѓувреме, Бензема освои 4 титули во Лигата на шампионите, но проблематичниот карактер и натаму го држи надвор од репрезентацијата.
Бензема беше гостин во емисија на францускиот комичар Тома Н'Жижол во живо на Instagram кога беше прашан да направи споредна на него со Жиру.
„Не може да споредувате Ф1 со картинг. Дури и сум нежен со зборовите. Тој си има своја кариера, го прави она што го сака и дава голови кои сака да ги даде. Тој живее во негов свет, јас во мој и не ни мислам на него. Доколку зборуваме за стил на игра, неговиот ѝ одговара на Франција. Тоа е затоа што таму се брзи играчи како Мбапе и Гризман кои играат во широчина и го хранат со топки центарфорот. Кога Жиру е напред, тој е опколен од дефанзивци, а тоа им дава простор на другите двајца да покажат што можат“, рече Бензема.
„Тој ги држи дефанзивците и тоа му успева. Можеби не е убаво на око и никој нема да каже 'Wow, тоа е неверојатно'. Дали на некој му се допаѓа неговиот стил? Не знам, ама ете ѝ одговара на Франција“.
Она што го зборува Бензема за стилот на игра на Жиру е вистина. Жиру играше и кога Франција стана светски шампион во 2018, но цело Светско не постигна ниту еден гол. Затоа пак во квалификациите за ЕУРО 2020 постигна 6 голови.
