Американскиот претседател Доналд Трамп уште еднаш сам си се пофали дека неговите методи се можеби неконвенционални, но успешни.
Неговото најново перчење начна многу чувствителна тема – го спореди крвавиот конфликт меѓу турските сили и Курдите во североисточна Сирија со детска тепачка.
„Како две деца на игралиште, понекогаш треба да ги оставите да се истепаат, а после да ги раздвоите“, рече Трамп на собир во Тексас, откако нагласи дека целиот конфликт поминал без да се пролее „ниту една капка американска крв“.
Турција се согласи на барањето на САД за прекин на огнот, ако курдските борци се повлечат од североисточните области на Сирија.
Расте загриженоста дека можно е Турција да има извршено воени злосторства во воената акција што почна на 9 октомври.