Песната „Тамара“, што Борис Новковиќ ја сними во далечната 1986 година, е еден од неговите најголеми хитови.
Но, малкумина знаат дека зад оваа песна, која е напишана кога пејачот имал само 17 години, всушност се крие тажна љубовна приказна.
Иако многумина мислеа дека името Тамара случајно се нашло во песната, вистината е поинаква.
Тамара навистина постоеше. Таа беше девојката во која беше вљубен пријателот на Борис, но неговата љубов не беше возвратена.
Имено, кога го пишувал текстот, Борис имал проблем бидејќи тогаш пишувал на англиски јазик. Тој повикал пријател кој му пришол на помош.
„Се сетивме на еден пријател кој навистина лудуваше по една Тамара. Тој направи сè за неа. Поради неа падна од моторот, падна на училиште, а на крајот ништо не му помогна“, изјави еднаш пејачот.
Борис потоа додаде дека знае каде живее Тамара и дека има три деца.
Според пејачот, вистинската Тамара се препознала во песната и набргу по нејзиното објавување ја слушнал нејзината порака на телефонската секретарка во која таа му се заблагодарува што ѝ ја посветил песната.
Оваа песна стана негова лична карта, а многумина уживаат да ја слушаат и денес.
