Поранешниот претседател на ФИФА, Сеп Блатер и поранешниот претседател на УЕФА, Мишел Платини се ослободени од обвинувањата за корупција по пресудата на Федералниот криминален суд во Белинцона, Швајцарија, пренесе BBC.
Според обвинението, Блатер противправно овозможил преку ФИФА да му исплати два милиона швајцарски франци на Платини во 2011 година.
И двајцата ја отфрлија можноста за вина и изјавија дека тоа било задоцнета исплата за работата на Платини како советник за ФИФА.
На судскиот процес тврдеа дека не извршиле кривично дело, дека тој износ бил на име на хонорар на Платини за кој ФИФА била должна да му го исплати за неговата советничка улога.
„За многу работи во животот сум бил виновен, но во овој случај сум невин“, изјави Блатер при влегувањето во судската сала за да ја слушне пресудата.
Судењето траеше 11 денови, а беше одржано во Федералниот кривичен суд во Белинцона.
Обвинителството ги товареше за незаконско присвојување на споменатите пари на штета на ФИФА, а кои Платини ги примил на основа на договор од 1999 година за давање консултански услуги. Во врска со тоа му се исплаќал годишен надомест од 300.000 швајцарски франци.
Осум години откако е завршена советничката дејност, поточно во 2011 година, Платини на Блатер во име на ФИФА му уплатил 2 милиони швајцарски франци на основа на заостанати побарувања.
