Романскиот клуб Динамо од главниот град Букурешт потпиша со Едгар Је во февруари и три месеци подоцна откри дека неговиот брат близнак Еделино всушност бил во нивниот тим.
Во Романија истражуваат дали фудбалерот Едгар Је го принудил својот брат близнак Еделино наместо него да одигра 5 натпревари за Динамо, кој се бори за опстанок најдобрата романска лига.
Едгар Је потпиша за Динамо во февруари, но очигледно играчот кој пристигнал во Букурешт бил неговиот брат близнак Еделино. Случајот со промена на идентитетот го откри новинарот Даниел Сендре, кој објави дека во Динамо биле изненаден бидејќи Едгар не зборувал добро англиски и комуницирал само на португалски, иако претходно има играно во Шпанија, Франција, Турција и Холандија.
„Изгледа надреално. Почнав да се јавувам, да разговарам со пријателите и веста е вистинита, не ми се верува. Никој не негираше. Дознав дека има брат близнак кој исто така игра фудбал“, изјави Флорин Прунеа, поранешен голман на репрезентацијата на Романија и поранешен претседател на Динамо.
Романскиот новинар Емануел Росу објави дека Динамо побарал од наводниот Едгар Је да ја покаже возачката дозвола, што тој ја одбил.
🗂️ Edgar Ié fichó por el Dínamo en febrero
— MARCA (@marca) May 13, 2024
👉 Pero parece que el futbolista que llegó a Bucarest fue su hermano gemelo Edelino pic.twitter.com/zT8n7kkaq7
Доколку и официјално се потврди замената на идентитет, на Динамо му се заканува опасност да ги загуби осумте освоени бода на петте натпревари што Еделино ги одиграл на местото на Едгар.
Извор од Романската фудбалска федерација објасни за iAMsport дека не постои планирано сценарио за оваа ситуација. Доколку играчот кој играл не е тој што е регистриран, може да има санкции. Законски гледано, Динамо никогаш немал намера да го користи братот близнак наместо играчот што го донеле, а можеле да се бранат со тоа што не знаеле дека се измамени.
Едгар Мигел Је е роден на 1 мај 1994 година и е репрезентативец на Гвинеја-Бисау откако играше за младинските селекции на Португалија. Тренираше во младинскиот тим на лисабонски Спортинг сѐ додека не потпиша за Барселона Б во 2012 година. Дури и дебитираше за првиот тим чиј тренер тогаш беше Луис Енрике на 3 декември 2014 година, а Барса ја напушти во 2015 година.
Потоа играше за Виљареал Б, Белененсеш, Лил, Нант, Трабзонспор, Фејнорд и Башакшехир, пред да потпише за Динамо од Букурешт.
Неговиот брат близнак Еделино исто така започна во Спортинг, кратко беше во литванска Круоја, а кариерата ја помина најмногу во нисколигашки клубови во Португалија, како Синтајш, Фелгејраш, Гундумар, Фонтињаш, Мирандела и Резенде. Негов последен тим беше Тлуховиа во Полска, со кој се раздели во јануари. за разлика од неговиот брат Едгар, Еделино никогаш не заигра за ниту една репрезентација.