Американската актерка Сиднеј Свини ја носи титулата една од најатрактивните жени во светот, а сега реши да открие како го одржува својот беспрекорен изглед.
Во интервју за списанието Women's Health таа изјави дека за појадок најчесто јаде бобинки, јајца и ѓеврек. Избегнува да пие засладени пијалаци и кафе и тврди дека пие само вода.
За ручек јаде Цезар салата со пилешко или чизбургер. Не се откажа од слатките, а омилено благо ѝ е колаче со парчиња чоколадо прелиено со сладолед од ванила.
Ја сака италијанската кујна, па често е нејзин избор за вечера. Свесна е дека ваквиот начин на исхрана не е најздрав, но и е важно да ужива во храната.
„Еден ден ќе почнам да јадам поздрава храна, но сега вежбам, за да можам да балансирам сè. Ја сакам храната и тоа ме прави среќна“, вели таа.
Веќе подолго време тренира мешани боречки вештини (ММА).
„Имав сè во розово во рингот - маска, ракавици, штитник за уста, сè. Кога влегуваш во рингот како девојка во розово, мажите често те потценуваат, но кога ќе ја покажеш својата вистинска сила, тоа е најдоброто чувство“, раскажува Свини.
Вели дека се обидува да најде време за вежбање дури и кога е зафатена со деловни обврски.
„Ако имам саат време слободно, правам вежби со помош на една од онлајн платформите за вежбање“, додаде.