Победата на Реал Мадрид над Виљареал (4:1) остана во сенка на тешката повреда на австрискиот капитен Дејвид Алаба.
31-годишниот австриски репрезентативец заработи повреда на вкрстените лигаменти на левото колено, поради што ќе отсуствува до крајот на сезоната. Воедно, ќе го пропушти и ЕУРО 2024, што е значителен пех за репрезентацијата на Австрија која ќе мора да игра без својот капитен.
Алаба по половина час го напушти теренот поради болки во ногата. Деновиве ќе биде подложен за хируршки зафат.
Тренерот Карло Анчелоти сега има на располагање само двајца централни дефанзивци, Начо и Антонио Ридигер.
„Ќе видиме во наредните денови дали можеме да направиме нешто“, рече Анчелоти и додаде:
„Никогаш не сум ми се случило тројца играчи да ги скинат вкрстените лигаменти за четири месеци, неверојатно“.
Поради оваа повреда, претходно подолг период надвор од теренот се Едер Милитау и голманот Тибо Куртоа.
Голема е веројатноста Реал Мадрид да донесе нов играч на позицијата стопер во јануари, кога ќе се отвори зимскиот преоден рок.
