Доколку сакате да купите смартфон кој поддржува 5G мрежа, мора да купите поскап уред, но Xiaomi се потруди тоа да не биде така.
Xiaomi го претстави моделот Мi 10 Lite 5G кој чини 349 евра. Уредот доби 6,75-инчен AMOLED екран со интегриран отпечаток за прст, Snapdragon 765G и батерија од 4.160 mAh. Тежок е 192 грама.
Доби 4 задни камери меѓу кои е главната од 48MP, а напред е селфи камерата од 16 MP. Уредот доаѓа со познатиот асортиман на софтвер за фотографирање.
Mi 10 Lite 5G е достапен во бела, сива и зелена боја, а во Европа пристигнува на почетокот на мај.
Ќе бидат достапни две верзии, една од 64 и друга од 128 GB интерна меморија.
Моделот од 64GB ќе чини 349 евра, Mi 10 ќе чини 799 евра, а Mi 10 Pro 999 евра.