Во текот на изминатиот викенд многу корисници се пожалија дека постарите фотографии објавени на поранешниот Twitter, односно денешниот Х, „мистериозно исчезнале“, а компанијата сега потврди дека за тоа е одговорен баг и дека работи на решение.
Проблемот беше забележан во саботата кога постарите објави, меѓу кои имало и фотографии, станале неактивни. Официјално, се работи за објави или фотографии објавени пред 2014 година, но The Verge истакнува дека исчезнало и селфито на Елен Деџенерис од Оскарите кое беше објавено таа година. Во меѓувреме, фотографијата повторно се појави, но други постари фотографии сè уште ги нема.
Сепак, X известува дека го решиле багот и дека проблемот целосно ќе исчезне во наредните денови.
„Во текот на викендот имавме баг кој нѐ спречи да прикажуваме фотографии постари од 2014 година. Фотографиите и податоците не се изгубени. Го средивме багот, проблемот ќе исчезне во наредните денови“, изјави Х.
И покрај прашањата, компанијата повторно не се огласи.
