Кристијан Вуд од Детроит Пистонс е заразен со корона вирусот и е трет од НБА по Руди Гобер и Донован Мичел.
Од клубот потврдија дека нивен играч излегол позитивен на тестот, но не го открија неговото име. Сепак, американските медиуми откриваат дека станува збор за 24-годишниот центар.
„Играч на Детроит Пистонс, кој е ставен под нега на медицинскиот тим и е во самоизолација од средата вечер, беше тестиран за Covid-19. Прелиминарен позитивен резултат излезе на 14 март. Здравјето и безбедноста на нашите играчи, нашата организација, сите во лигата и сите оние кои можат да бидат погодени од оваа ситуација, за нас се најважни“, стои во соопштението на клубот.
Играчот се наоѓа во стабилна состојба, а допрва ќе се утврдува дали е заразен уште некој во тимот.
Сезоната во НБА е во прекин и не се знае кога ќе продолжи.
