Попладнево во ФФМ беше извршена жрепката за пополнување на втората лига за наредната сезона со тоа што од трите поразени екипи во баражите две добија втора шанса и автоматски пласман.
Жрепката беше талична за екипите на Осогово од Кочани, победник на групата Исток од третите лиги, и Новаци од истоименото село во Битолско, победник на групата Југозапад. Извиси Влазерими Ј од Кичево, победник на групата Запад.
Сите три екипи во неделата беа поразени на бараж натпреварите за пласман во втората лига за наредната сезона 2023/2024. Новаци најмногу заслужи да го послужи среќата во жребот бидејќи беше најблиску до пласман во втората лига по регуларен пат - во баражот водеше речиси цел натпревар против неготински Вардар, во 90-тата минута прими гол за израмнување за потоа да загуби на пенали.
Осогово доживеа вистински дебакл, но имаше и најтешка задача бидејќи за противник го доби единствениот второлигаш, тетовски Тетекс, кој славеше со високи 6:1.
Влазерими Ј настапуваше во лига која по сите правила воопшто не требаше ни да се игра бидејќи броеше само 7 екипи, па по некоја логика и заслужено не го послужи фортуната. Инаку, во баражот со 3:0 беше преслушан од кумановски Башкими 1947.
Сите 16 учесници во 2.МФЛ за сезоната 2023/2024:
- Скопје - поразен во бараж
- Победа - испаднат од 1.МФЛ
- Пелистер
- Дет. Плачковица
- Беса 1976
- Охрид Лихнидос
- Арсими
- Кожуф
- Беласица
- Караорман
- Саса
- Тетекс - бараж победник
- Башкими 1947 - бараж победник
- Вардар (Н) - бараж победник
- Осогово - жрепка
- Новаци - жрепка