Volkswagen направи оригинална реклама која добро ќе ве насмее и ќе предизвика симпатии.
Во најновата реклама за унапредената понуда на Golf, oд Volkswagen сакаат да ни кажат дека во понудата на опрема сместиле уште еден значаен сигурносен систем. А колку тој систем е битен, но и дека навистина може да ги спаси животите на патниците, наместо да набројуваат сувопарни карактеристики, од Volkswagen одлучија ова да го покажат со случка од животот на љубителите на поенергичната музика.
Возачот и совозачот во занес во еден момент се удираат со главите и се онесвестуваат. А од слеување од патот ги спасува системот Emergency Assist кој ја препознава неактивноста на возачот и го сопира возилото.
Системот функционира заедно со системот за држење на возилото во лентата за возење и адаптивниот темпомат, па во моментов претставува највеќе од автономно однесување на возило што може да се очекува на Golf. Барем до доаѓањето на осмата генерација која е пред вратите и која ќе биде накрцана со модерни технологии од доменот на асистенција во возењето.