Свет

Во урагански ветер во Москва загина едно лице, а неколкумина се повредени

13. март 2020 - 18:19 | Кајгана / МИА

Во големо невреме во Москва загина едно лице, а неколкумина се повредени, напиша на Twitter градоначалникот на Москва, Сергеј Собјанин.

– Ветрот со сила на ураган не нè остави без последици. Едно лице загина, а неколку се повредени. Мое искрено сочувство до семејството, напиша Собјанин.

Тој апелираше до граѓаните да не ги напуштаат своите домови без потреба, предупредувајќи дека силниот ветер е многу опасен.

Министерството за вонредни ситуации ги предупреди граѓаните на опасност од уривање на покриви, градежни конструкции, поради ветрот, за кој е најавено дека ќе достигне голема брзина.