Италијанската даночна полиција денеска откри арсенал на оружје во два подземни резервоара за вода во близина на крајбрежјето во сицилијанскиот град Катанија.
Како што јави италијанската новинска агенција ANSA, пронајдени се пушки, пиштоли, митралез, калашњиков и околу 3 илјади парчиња муниција и друг вид оружје.
Оружјето е пронајдено во резервоарите на длабочина од два метра, на дел од земјиштето во сопственост на клубот „Le Capannine“.
Покрената е истрага против непознати лица, а полицијата смета дека сицилијанската мафија Коза ностра го користела или планирала да го употреби оружјето.
Коза ностра со години не учествувала во престрелки, но оружјето го користи за заплашување.