Фудбалските второлигаши утре ја отвораат новата сезона, некои со прволигашки амбиции, други со тешка мисија за обезбедување на опстанок.
Вторите лиги Исток и Запад в сабота од 17 часот ќе ја почнат сезоната 2019/20 која треба да ги даде новите прволигаши за наредната сезона 2020/21, но и да ги скрати двете групи. Кога станува збор за пласман во Првата лига, прваците на двете групи ќе обезбедат директен пласман, додека второпласираните ќе играат бараж.
Стриминг платформата на веб-страницата на ФФМ и оваа сезона ќе врши пренос од одредени натпревари од вторите лиги.
На Истокот најинтересно се очекува да биде во Гевгелија каде Кожуф ќе го пречека Тиквеш. Кавадарчани не кријат дека атакуваат на првото место и враќање во Првата лига по пауза од цели 16 години.
Прилеп: Победа - Саса
Струмица: Беласица - Кит-Го (пренос)
Гевгелија: Кожуф - Тиквеш (пренос)
Радовиш: Плачковица - Брегалница
Кочани: Осогово - Питу Гули
На Западот сите очекуваат враќање на Пелистер во елитата. Битолчани важат за први фаворити, но тоа треба да го покажат и на зелениот терен.
Охрид: Охрид - Влазрими 77 (пренос)
Гостивар: Гостивар - Дрита
Дебар: Кораби - Скопје
Битола: Пелистер - Вардари
Скопје: Кадино - Лабуништа (пренос)
На крајот на сезоната ќе испаднат последните 4 екипи од секоја група, а ќе испаднат и дополнителни една до две екипи во зависност од тоа кои клубови ќе отпаднат од Првата лига. Вторите лиги ќе се кратат, наредната сезона ќе бројат по 8 екипи наместо сегашните 10, а тоа е бидејќи ФФМ планира од сезоната 2021/22 да ги спои двете групи во една.