Македонија

Викендов нема патување со воз согласно полицискиот час

26. март 2020 - 15:31 | МИА

Скопје, 26 март 2020 (МИА) – Патничките возови нема да сообраќаат во тек на претстојниот викенд.

Железници Транспорт го измени возниот ред за деновите од викендот, откако Владата вчера донесе одлука да го ограничи движењето на граѓаните во сабота и во недела, како дополнителна мерка за спречување на ширењето на коронавирусот.

„Исклучок од ова ќе бидат само возовите, 661 од Кичево и 645 од Велес, кои во сабота наутро пристигнуваат во Скопје, откако ќе преспијат во наведените градови, и кои ќе сообраќаат по возниот ред од 23.03.2020 година“, соопшти денеска Железници Транспорт.

Оттаму ги известуваат патниците дека во понеделник (30.03.2020 година), возот 661 од Кичево нема да сообраќа, бидејки претходната вечер нема да отпатува воз поради полицискиот час.

Останатите возови, од понеделник, во текот на работните денови, ќе сообраќаат по возниот ред објавен на 23 месецов.

Со одлука на Владата, се забранува движењето на сите граѓани за време на викендот (сабота и недела) од 16 часот до 5 часот.