Меѓународниот фудбалски сојуз (ФИФА) на својата официјална страница отвори гласање за најубавиот гол постигнат на неодамнешното Светско првенство во Русија.
Фановите одлучуваат кој гол најмногу ќе се памети од СП 2018 со онлајн гласање за својот фаворит.
Гласањето е отворено до 23 јули и во него може да учестуваат сите навивачи. Може да се гласа за еден од 18 погодоци што влегоа во потесниот избор на ФИФА, а меѓу нив се голот на хрватскиот капитен Лука Модриќ за водство од 2:0 против Аргентина, како и погодокот на Џеси Лингард за водство од 3:0 на Англија против Панама (6:1).
Вашиот глас за најубав гол можете да го дадете ТУКА.
Ова е четврт избор за најубав погодок на СП, од 2006 година наваму. Тогаш за најубав гол беше прогласен погодокот на Аргентинецот Макси Родригез против Мексико во осмина финалето. Во 2010 година наградата ја понесе Уругваецот Диего Форлан за голот против Германија во натпреварот за третото место, а во 2014 година најубав беше голот на Колумбиецот Хамес Родригез во осмина финалето против Уругвај.