Додека известуваше во живо при посета на Националниот парк Јелоустон, еден новинар, несвесно, стана хит на интернет откако зад него се појави крдо бизони.
Оваа недела е објавено дека Националниот парк ќе биде затворен поради пандемијата со коронавирус, а репортер од Монтана пристигна во Јелоустон за да ја пренесе веста.
Додека ја снимаше најавата 27-годишниот новинар Дион Брокстон забележа нешто опасно, бизон во негова близина кој почнал да му приоѓа заедно со крдото. Во урнебесната снимка на неговата реакција тој не ги трга очите од бизоните и набрзина се пакува за да замине, велејќи дека не сака да загине од бизони.
Видеото го сподели на Twitter, а неговата реакција стана хит. Ќе го видите и видеото што го сними на безбедна оддалеченост.