Селекторот на Уругвај, Оскар Табарес и уште 400 вработени во тамошната фудбалска Асоцијација добија откази поради пандемијата на коронавирус.
На таков чекор се решија челниците на Асоцијацијата покрај 274 позитивни случаи на Covid-19 во земјата.
„Се решивме на серија тешки одлуки во оваа криза за заштита на институцијата во иднина“, се вели во соопштението на АУФ.
Сите отпуштени ќе бидат на колективно осигурување како невработени и најверојатно ќе се вратат на своите работни места по завршување на кризата.
Табарес е на чело на репрезентацијата на Уругвај од 2006 година и оттогаш ја предводеше до полуфинале на СП 2010 во Јужна Африка и со шампионска титула на Копа Америка 2011.
